Tras nove meses de traballo, a festa fin de curso despediu a undécima edición de Voz Natura. O curso 2007-2008, dedicado especialmente á reciclaxe dixo adeus cunha gran festa que reuniu a 30.000 persoas de toda Galicia no parque de Acea de Ama (Culleredo - A Coruña), o pasado sábado, 7 de xuño.
Nenos e non tan nenos gozaron dun completo programa lúdico e deportivo durante toda a xornada. Ademais, a celebración foi o escenario da entrega dos premios aos mellores proxecto ambientais do curso e dunha completa exposición dos 230 traballos ecolóxicos realizados este curso.
