Comeza o curso escolar 2014-2015 e Voz Natura celebra a súa 18ª edición. Somos xa case 57.000 alumnos e 3.200 profesores de 319 centros educativos, escolas taller e asociacións medioambientais adicados a protexer e recuperar os ecosistemas de Galicia.
Este ano cobran especial protagonismo en Voz Natura as actividades relacionadas coa creación e o mantemento dos hortos ecolóxicos, co fin de fomentar o coidado e a conservación do medio natural, mellorar a nosa calidade de vida, e promover hábitos saudables.Ademais, como xa é habitual, este programa de educación medioambiental da Fundación Santiago Rey Fernández-Latorre continúa promovendo proxectos de recuperación da natureza que impliquen accións directas no medio e en calquera dos distintos ecosistemas de Galicia: limpeza de ríos e praias, recuperación de zonas degradadas, reforestacións, ou posta en valor e coidado do patrimonio etnográfico e a biodiversidade.Para tratar de contaxiar esta sensibilidade medioambiental ao maior número posible de cidadáns, Voz Natura inicia o curso con forza tamén nas redes sociais. O obxectivo é que a nosa páxina de Facebook convértase no punto de encontro dos amantes do medio ambiente.
En www.facebook.com/voznatura pódese seguir o día a día do programa; a marcha dos proxectos que desenvolven os centros; as saídas de actuación directa (recuperación de zonas degradadas, limpezas e protección dos montes, ríos e praias...); e tamén se facilita información sobre todas as novidades desta iniciativa medioambiental.
Recoñecemento ao profesorado
Unha vez máis, a Consellería de Educación e Ordenación Universitaria, a través da Dirección Xeral de Educación, Formación Profesional e Innovación Educativa, recoñecerá a coordinación dun proxecto Voz Natura como unha actividade de innovación educativa, co seu correspondente equivalencia como formación permanente do profesorado. Deste xeito, ao final do curso, a Consellería expedirá os certificados de participación ao persoal docente de todos aqueles centros públicos e concertados que participen.
