Ata 231 centros educativos de todos os niveis —excepto o universitario— e asociacións ambientais dan vida ao programa Voz Natura na súa undécima edición. Para o curso 2007-2008, o Comité Científico aprobou 46 proxectos máis que na edición anterior, superando todas as marcas de participación da historia desta iniciativa de educación ambiental auspiciada pola Fundación Santiago Rey Fernández-Latorre.
No mes de setembro, profesores e alumnos comezaron a desenvolver os seus traballos de defensa da natureza nos que, este curso, a reciclaxe e a reutilización teñen gran protagonismo. Voz Natura aposta na súa undécima edición por fomentar a separación e o tratamento adecuado dos residuos.
Este curso, colexios e institutos seguen loitando contra o lume con limpezas e reforestacións por toda Galicia. Ao longo do ano 2007, os participantes en Voz Natura plantaron 35.500 árbores dentro da campaña Plantemos para o Planeta:
Campaña dos Mil Millóns de Árboles, promovida polo Programa das Nacións Unidas para o Medio Ambiente (PNUMA). Coas aportacións de milleiros de persoas de diversos puntos do planeta, a campaña superou as súas expectativas iniciais.
