A comunidade Voz Natura, pendente do Cume de Copenhague
O luns 7 comeza na capital danesa unha importante conferencia da ONU. O obxectivo é buscar un acordo internacional sobre como loitar contra o cambio climático máis aló do 2012, cando finaliza a vixencia do protocolo de Kioto. Os participantes en Voz Natura estarán moi pendentes deste encontro e, algúns, como alumnos do colexio Mercedarias de Ferrol, enviaron as súas cartas aos responsables deste Cume.
Durante once días, representantes internacionais debaterán en Copenhague para establecer as pautas que permitan frear o cambio climático e as súas consecuencias para o planeta. A reunión é decisiva porque se espera que dela salga un acordo que substitúa ao famoso protocolo de Kioto. Os índices de cumprimento (ou incumprimento!) deste acordo revelan que queda moito por facer.
Desde o ámbito escolar, os participantes en Voz Natura levan varios anos promovendo accións para frear o cambio climático e, agora, queren facer oír as súas voces.
Desde o colexio Mercedarias de Ferrol, fixeron chegar ata 54 cartas á secretaría do Cume coas peticións dos alumnos. Aquí podes ver tres destas cartas:
Accede á web del colegio
Envíanos a túa carta para os responsables do Cume de Copenhague a voznatura@lavoz.es