Vixésimo sexta edición (2022-2023)

«Ou teu consumo deixa pegada». Ese era o lema da 26 edición de Voz Natura, que este venres entregou nas instalacións de La Voz de Galicia en Sabón os premios aos mellores proxectos ambientais realizados este curso por máis de 75.000 alumnos e 3.500 profesores, que puxeron o seu enxeño e creatividade ao servizo da educación ambiental.

Centos de alumnos acudiron á entrega dos oito galardoes, entre os que destaca o Premio Galicia outorgado ao IES de Arzúa que, ademais de fomentar o consumo responsable, foi un paso máis aló e embarcouse no deseño de produtos e a creación de empresas verdes.

Os gañadores dos catro premios provinciais, o da mellor comunicación e o infantil recibiron tamén os aplausos nesta gala de Voz Natura, unha iniciativa de La Voz de Galicia e a Fundación Santiago Rey Fernández-Latorre que conta co apoio da Consellería de Medio Ambiente, Territorio e Vivenda, a Deputación da Coruña, a Fundación Alcoa, O Corte Inglés, a Fundación Ramón Areces e Inditex.

Este ano, ademais, de forma excepcional, o comité científico decidiu outorgar un premio especial ao Centro de Educación Especial Nosa Señora de Lourdes (Aspronaga), da Coruña, co seu proxecto Con-sumo gusto, moi pegado ao tema destacado desta edición.

Con esta edición de Voz Natura xa van 26 desde que en 1997 La Voz de Galicia deu un paso adiante na defensa da natureza e puxo en marcha este programa de educación e acción ambiental. E o que é máis importante, xa son 6.485 proxectos feitos realidade grazas á implicación de alumnos e profesores, o que fixo posible que se cumpra un único obxectivo: «concienciar e implicar á comunidade escolar de Galicia na recuperación e defensa da natureza».

PREMIO GALICIA: IES DE ARZÚA. Alfonso Rueda, presidente da Xunta de Galicia, e Lois Blanco, director xeral da Corporación Voz de Galicia, entregaron o premio a Carlos Iglesias Ramos, coordinador do proxecto «Camiña cara ao cambio» e os alumnos Lucía Rodríguez Maroño e Hugo Ruibal Casas. O galardón, patrocinado pola Consellería de Medio Ambiente e Sogama, está dotado de 5.000 euros, que os gañadores empregarán no seu proxecto de Voz Natura do próximo curso.
PREMIO AO MELLOR PROXECTO INFANTIL: REDE DE EEI CATIVOS (MILLADOIRO, AMES). Ángeles Vázquez, vicepresidenta segunda e conselleira de Medio Ambiente, entregou o galardón a María García Castro, coordinadora do proxecto «As brigadas ecolóxicas Cativos reducimos, reutilizamos e reciclamos por un consumo sostible», e aos alumnos Guzmán Rodríguez Ramírez e Julia Bogo Sánchez. A Consellería de Medio Ambiente e Sogama patrocinan o premio de 2.000 euros.

PREMIO PROVINCIA DA CORUÑA: CEP PLURILINGÜE SALUSTIANO REY EIRAS (A Pobra do Caramiñal). José Ramón Riobóo Castro, responsable das áreas de Transición Ecolóxica, Emprego e Territorio Sostible da Deputación dá Coruña, entregou o premio a José Delgado Marco, director do centro, e os alumnos Noa Dominguez Díez e Enzo Martínez Caseiro polo proxecto «Os Bandasequeiros». Cada un dos galardóns provinciais, patrocinados por Gadisa, está totado de 2.000 euros.
PREMIO PROVINCIA DE LUGO: CEIP FONDO NOIS (FOZ). Eva Fernández da Rúa, xefa de Fundición de Alcoa-San Ciprián, entregou o premio que recoñece o mellor traballo dos centros da provincia lucense a Ana Muiña Álvarez, coordinadora do proxecto «Sendeiros cara o futuro», e aos alumnos Raisa Gonçalves Varela  e Anxo Vázquez Varela.
PREMIO PROVINCIA DE OURENSE: CPR PLURILINGÜE SAN JOSÉ (OURENSE). Melisa Pagliaro Fernández, directora de Márketing e RSC de Gadisa, entregou o premio correspondente aos centros da provincia de Ourense ao profesor Carlos Pérez Freire e aos alumnos Alba Pérez Gómez e Hugo Conde Alonso polo desenvolvemento do proxecto «Formando científicos hoxe para un futuro mellor».
PREMIO PROVINCIA DE PONTEVEDRA: CEIP DE MARCÓN (PONTEVEDRA). Fuencisla Cid Rodríguez, directora rexional de Comunicación, Relacións Institucionais, Márketing e Sustentabilidade en Galicia e Asturias do Corte Inglés, entregou o premio a Monserrat Diz Amil, coordinadora, do proxecto «Marcón deixa pegada ecolóxica con boa lóxica», e aos alumnos Miguel Gago Grangel e Sokhana Diarra Niass Mbow.

PREMIO ESPECIAL DO XURADO: CEE @Ntro. Sr. DE LOURDES - ASPRONAGA (A Coruña). Manuel Areán Lalín, secretario xeral da Corporación Voz de Galicia, entregou o premio a Juan Fernández López, coordinador do proxecto «Aforramos consumo-gusto», e aos alumnos Lucía Figueiras Collazo e Andrés Vázquez Cortiñas. O galardón está dotado con 1.000 euros, destinados a seguir desenvolvendo o seu traballo en Voz Natura.

PREMIO Á MELLOR COMUNICACIÓN: CEIP PLURILINGÜE SANTA RITA (GALDO, VIVEIRO). Xosé Luís Vilela, director da Voz, entregou o premio a Inés Castro Davila, coordinadora do proxecto «Botando unha ollada á nosa pegada», e aos alumnos Gabriel Lamelas Dovale e Gea Calvo Miramontes. Recibiron unha «tablet», cortesía de El Corte Inglés, un diploma e un trofeo creado con residuos reciclados pola artista galega Xema Neira.

Tras a entrega de premios, os alumnos de Voz Natura visitaron as instalacións de La Voz de Galicia, da redacción á rotativa, para coñecer de primeira man como se escriben e imprímense as noticias do día a día.