Premio ao mellor blog do curso 2011-2012
Para animar aos profesores a crear e manter os blogs ambientais, Voz Natura convoca este ano a segunda edición do concurso para atopar o mellor blog da edición. O certame está dirixido a docentes e educadores de centros participantes no programa.
Entrarán a concurso os cadernos abertos en edicións anteriores ou blogs de nova creación, a condición de que inclúan contidos relacionados con actividades desenvolvidas ao longo do presente curso.
Para seleccionar ao vencedor, o xurado valorará o carácter de innovación pedagóxica do caderno, a súa presentación, a variedade de actividades incluídas, a calidade dos elementos multimedia e o nivel de interactividade, especialmente a capacidade para involucrar aos alumnos, entre outros factores.
O profesor responsable do blog gañador levará un Ipad con conexión WIFI 3G.