VOZ NATURA EN ACCIÓN

CONCURSO CIENCIA QUE COIDA E PRESERVA

Voz Natura convoca un concurso de experimentos e investigacións científicas, para os participantes na actual edición do programa, co obxectivo de fomentar o espírito científico e incentivar a procura de solucións para protexer o medioambiente.

A partir do próximo 1 de xaneiro, ábrese o prazo para que os participantes na presente edición Voz Natura, presenten os seus traballos científicos.

Haberá dúas categorías de participación: 
- Microexperimento científico 
- Estudo ou investigación 

Os profesores ou coordinadores dos centros interesados en participar, deberán enviar os traballos a: voznatura@lavoz.es antes do 30 de abril do 2025. 

O fallo do xurado será no mes de maio e os premiados expoñerán os seus traballos nun acto que se celebrará no museo de ciencia e tecnoloxía da Coruña (MUNCYT) a finais de mes.

Podes consultar aquí as BASES DO CONCURSO