ECO-RETOS VOZ NATURA
Volvemos poñer en marcha esta actividade cuxo obxectivo é seguir impulsando a acción e concienciación ambiental.
Como?
É moi sinxelo. Só tedes que mostrarnos en redes sociais o que estades a facer polo medio ambiente… Que é moito!
Cada mes, propoñerémosvos un eco-reto para realizar accións de recuperación ou defensa ambiental no cole, en casa, con amigos, etc.
Cando o consigades, facedes unha foto ou un vídeo cortito (menos dun minuto) e subídelo a Facebook ou a Instagram, engadindo o hashtag #AccionVozNatura e o hashtag de cada mes. E... Non vos esquezades de etiquetar cada foto ou vídeo con: @voznatura para que podamos ver todo o que publicades!
Este ano empezamos co tema destacado desta edición: o coñecemento e uso da ciencia e o método científico para protexer o medio ambiente, polo que, durante o mes de outubro, o reto será mostrar que accións, estudos ou investigacións realizamos para preservar a natureza. Hashtag: #RetoProtegemos
É dicir, ás fotos ou vídeos dos retos que subades ás vosas redes sociais, ao longo do mes de outubro, debedes engadir: #AccionVozNatura, #RetoProtegemos (ademais de etiquetarnos con: @voznatura).
E, para que poidades planificar as vosas accións ambientais da presente 28.ª edición Voz Natura, adiantámosvos os retos dos próximos meses:
◦ Novembro: Investigamos. #RetoInvestigamos
◦ Decembro: Reutilizamos. #RetoReutilizamos
◦ Xaneiro: Divulgamos. #RetoDivulgamos
◦ Febreiro: Inventamos Enerxía. #RetoInventamos
◦ Marzo: Plantamos. #RetoPlantamos
◦ Abril: Concienciamos (ideas para protexer a Terra). #RetoConcienciamos
◦ Maio: Preservamos. #RetoPreservamos (ríos, montes, praias, biodiversidade, hábitats…)
◦ Xuño: Presumimos (despois do traballo durante o curso, presumimos dos resultados). #RetoPresumimos
Comparte os teus logros ambientais!